09:52
Балаҕан ыйдааҕы иһитиннэрии

Балаҕан ыйдааҕы иһитиннэрии

Балаҕан ыйын 10 күнүттэн биһиги уһуйааммыт кырачааннарын көрүстэ. Бу үөрэх дьыла үөрүүлээх сонунунан барыбытын үөртэ. Ол курдук республикатааҕы «Лучший сельский детский сад-2018» диэн оҕо уһуйааннарын икки ардыгар күрэххэ кыайыылаахтар истэригэр киирэн үөрүүбүт үгүс. Үөрэх министра В. А. Голиков дипломынан уонна анал бирииһинэн эҕэрдэлээтэ.

Балаҕан ыйын 21 күнүгэр үгэс быһыытынан ыытыллар «Күһүҥҥү киһи күлбүтүнэн» диэн күһүнү көрсүү бэрт сэргэхтик ааста. Бу күн оскуолаҕа киириэн иннинээҕи оҕолор төрөппүттэринээн ас ярмаркатын, орто бөлөхтөр- «Чудо овощ» выставкатын, улахан бөлөхтөр оҥоһуктарын выставкатын тэрийэн ыыттылар. Ону тэҥэ утренникка шляпа модатын (улахан бөлөх), уу кэһэр саппыкы модатын(оскуолаҕа киириэн иннинээҕи бөлөх), зонтик арааһын киэргэтэн (орто бөлөх ) бэлэмнэнэн кэлбиттэр.Бу күн оҕолор араас ырыа- хоһоон толорон, үҥкүүлээн- оонньоон, минньигэс арбуз сиэн тарҕастылар.

Балаҕан ыйын 27 күнүгэр Иитээччи күнүн чэрчитинэн орто бөлөх уонна оскуолаҕа киириэн иннинээҕи саастаах бөлөх төрөппүттэрэ кэлэн «Бэйэни салайыныы» күнү ыыттылар. Бу маннык тэрээһин сүрүн сыалынан иитээччи үлэтин билиһиннэрии, төрөппүтү кытары үлэ биир көрүҥэ буолар.Оҕолорго аралдьытыылары, хамсаныылаах оонньуулары ыыттылар, араас остуоруйалары кэпсээтилэр. Төрөппүттэр эппиэтинэстээхтик сыһыаннаһан бэлэмнэнэн ахан кэлбиттэрин бэлиэтиэххэ наада. 

Иһитиннэриини бэлэмнээтэ: Капитонова М. С.

Просмотров: 69 | Добавил: Tuyara0403 | Рейтинг: 0.0/0
Всего комментариев: 0
Имя *:
Email *:
Код *: